କିଏ ଅଂଶଗ୍ରହଣ କରିପାରିବେ ?

ଓଡିଶାର ବିଦ୍ୟାଳୟ, ମହାବିଦ୍ୟାଳୟ ଏବଂ ବିଶ୍ୱବିଦ୍ୟାଳୟରେ ପଢ଼ୁଥିବା ଛାତ୍ରଛାତ୍ରୀମାନେ

ରାଜ୍ୟସ୍ତରୀୟ ପ୍ରତିଯୋଗିତାରେ ପୁରସ୍କାର – ଗୋଟିଏ ବର୍ଷ ପାଇଁ ଛାତ୍ରବୃତ୍ତି।

ଏହି ପ୍ରତିଯୋଗିତା ତିନି ସ୍ତରରେ ଅନୁଷ୍ଠିତ ହେବ ।

ବ୍ଲକ ସ୍ତର, ଜିଲ୍ଲା ସ୍ତର, ରାଜ୍ୟ ସ୍ତର।

ବ୍ଲକସ୍ତରୀୟ ଗୀତା ଆବୃତ୍ତି ପ୍ରତିଯୋଗିତା (ସ୍କ୍ରିନିଂ ରାଉଣ୍ଡ)

ପ୍ରତ୍ୟେକ ବିଭାଗରେ ପ୍ରଥମ, ଦ୍ଵିତୀୟ ଏବଂ ତୃତୀୟ ପୁରସ୍କାର ପ୍ରଦାନ କରାଯିବ। ଯେଉଁଠାରେ କୌଣସି ବିଭାଗରେ ୫୦ରୁ ଅଧିକ ଛାତ୍ରଛାତ୍ରୀ ଅଛନ୍ତି, ତା’କୁ ଦୁଇଟି ଦଳରେ ବିଭକ୍ତ କରାଯାଇପାରେ। ପ୍ରତ୍ୟେକ ଦଳରେ ଅଲଗା ଅଲଗା ପ୍ରତିଯୋଗିତା ହୋଇପାରେ ଏବଂ ପ୍ରତେକ ଦଳର ପ୍ରଥମ, ଦ୍ଵିତୀୟ ଏବଂ ତୃତୀୟ ପୁରସ୍କାର ବିଜେତାଙ୍କୁ ଯୁଗ୍ମ ବିଜେତା ଘୋଷିତ କରାଯାଇପାରେ।

ସମସ୍ତ ଅଂଶଗ୍ରହଣକାରୀଙ୍କୁ ଶ୍ଳୋକଗୁଡିକ ଆବୃତ୍ତି କରିବାକୁ ପଡିବ। ତେବେ ପିଲାମାନଙ୍କୁ ଉତ୍ସାହିତ କରିବା ପାଇଁ କେବଳ ବ୍ଲକ ସ୍ତରରେ ବହି ଦେଖି ଆବୃତ୍ତି କରିବାକୁ ଅନୁମତି ଦିଆଯିବ, କିନ୍ତୁ ସ୍ମୃତି ପାଇଁ କୌଣସି ମାର୍କ ପ୍ରଦାନ କରାଯିବ ନାହିଁ। ଯଦି କେହି ସ୍ମୃତିରୁ କିଛି ଆବୃତ୍ତି କରନ୍ତି ଏବଂ ତାପରେ ପୁସ୍ତକ ଦେଖି ଆବୃତ୍ତି କରନ୍ତି ତେବେ ଆନୁପାତିକ ହାରରେ ମାର୍କ ଦିଆଯିବ।

ଜିଲ୍ଲାସ୍ତରୀୟ ଗୀତା ଆବୃତ୍ତି ପ୍ରତିଯୋଗିତା (ଯୋଗ୍ୟତା ରାଉଣ୍ଡ)

ବ୍ଲକସ୍ତରୀୟ ଗୀତା ଆବୃତ୍ତି ପ୍ରତିଯୋଗିତାର ପୁରସ୍କାର ବିଜେତାମାନେ ଜିଲ୍ଲାସ୍ତରୀୟ ଗୀତା ଆବୃତ୍ତି ପ୍ରତିଯୋଗିତାରେ ଅଂଶଗ୍ରହଣ କରିବେ। ପ୍ରତ୍ୟେକ ବିଭାଗରୁ କେବଳ ତିନିଜଣ ବିଜେତାଙ୍କୁ ପ୍ରଥମ, ଦ୍ଵିତୀୟ, ଏବଂ ତୃତୀୟ ପୁରସ୍କାର ପ୍ରଦାନ କରାଯିବ ଯେଉଁମାନେ ରାଜ୍ୟସ୍ତରୀୟ ଗୀତା ଆବୃତ୍ତି ପ୍ରତିଯୋଗିତାରେ ଭାଗ ନେବାକୁ ଯୋଗ୍ୟ ହେବେ। ଜିଲ୍ଲାସ୍ତରରେ ମିଳିତ ବିଜେତା ହେବାର କୌଣସି ବ୍ୟବସ୍ଥା ନାହିଁ। ଜିଲ୍ଲାସ୍ତରରେ ପୁରସ୍କାର ବିଜେତାମାନଙ୍କୁ ନିର୍ଦ୍ଧିଷ୍ଟ ପଞ୍ଜିକରଣ ଫର୍ମ ପୁରଣ କରି ରାଜ୍ୟସ୍ତରୀୟ ଗୀତା ଆବୃତ୍ତି ପ୍ରତିଯୋଗିତାରେ ଭାଗ ନେବାକୁ ନିଜକୁ ପଞ୍ଜିକରଣ କରିବାକୁ ପଡିବ।

ସମସ୍ତ ଅଂଶଗ୍ରହଣକାରୀଙ୍କୁ ନିର୍ଦିଷ୍ଟ ଶ୍ଳୋକଗୁଡିକୁ ମନେରଖି ଆବୃତ୍ତି କରିବାକୁ ପଡିବ। ପୁସ୍ତକ ଦେଖି ଆବୃତ୍ତି କରିବାକୁ ଅନୁମତି ଦିଆଯିବ ନାହିଁ। ଯେଉଁମାନେ ଜିଲ୍ଲାସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ କରିବେ ସେମାନେ ଅଂଶଗ୍ରହଣକାରୀ ପ୍ରମାଣପତ୍ର ପାଇବେ।

ରାଜ୍ୟସ୍ତରୀୟ ଗୀତା ଆବୃତ୍ତି ପ୍ରତିଯୋଗିତା (ଫାଇନାଲ ରାଉଣ୍ଡ)

ଜିଲ୍ଲାସ୍ତରର ପୁରସ୍କାର ବିଜେତାମାନେ କେବଳ ରାଜ୍ୟସ୍ତରୀୟ ଗୀତା ଆବୃତ୍ତି ପ୍ରତିଯୋଗିତାରେ ଭାଗ ନେବାକୁ ଯୋଗ୍ୟ ହେବେ। ରାଜ୍ୟସ୍ତରରେ ପୁରସ୍କାର ବିଜେତାମାନେ ଏକ ବର୍ଷ ପାଇଁ ଛାତ୍ରବୃତ୍ତି ପାଇବେ। ଯେଉଁମାନେ ରାଜ୍ୟସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ କରିବେ ସେମାନେ ଏକ ଉପହାର ଏବଂ ଅଂଶଗ୍ରହଣ ପ୍ରମାଣପତ୍ର ପାଇବେ।

ମୂଲ୍ୟାୟନ ପଦ୍ଧତି

ବ୍ଲକସ୍ତରୀୟ ଏବଂ ଜିଲ୍ଲାସ୍ତରୀୟ ପ୍ରତିଯୋଗିତା ପାଇଁ ଏହା ପ୍ରଯୁଜ୍ୟ। ତେବେ ରାଜ୍ୟସ୍ତରରେ ମୂଲ୍ୟାୟନ ପଦ୍ଧତି ଅଲଗା ହେବ।

ଯେତେବେଳେ ଦୁଇ କିମ୍ବା ଅଧିକ ପ୍ରତିଯୋଗୀଙ୍କ ମାର୍କ ସମାନ ହୁଏ, ଉଚ୍ଚାରଣରେ ସର୍ବାଧିକ ମାର୍କ ରଖିଥିବା ପ୍ରତିଯୋଗୀଙ୍କୁ ପୁରସ୍କାର ପାଇଁ ବିଚାରକୁ ନିଆଯିବ। ଯଦି ଉଚ୍ଚାରଣରେ ମଧ୍ୟ ସମାନ ମାର୍କ ଥାଏ, ତେବେ ସ୍ମରଣରେ ଅଧିକ ମାର୍କ ରଖିଥିବା ପ୍ରତିଯୋଗୀଙ୍କୁ ଅଗ୍ରାଧିକାର ଦିଆଯିବ। ମୂଲ୍ୟାଙ୍କନ ପ୍ରକିୟାରେ ବିଚାରପତିଙ୍କ ନିଷ୍ପତି ଚୂଡାନ୍ତ ଏବଂ ଏଥିରେ କେହି ହସ୍ତକ୍ଷେପ କରିପାରିବେ ନାହିଁ।

କେତେବେଳେ ପ୍ରତିଯୋଗିତା ଆରମ୍ଭ ହେବ ?

ବ୍ଲକସ୍ତରୀୟ ପ୍ରତିଯୋଗିତା ସାଧାରଣତଃ ଜୁଲାଇ ମାସରୁ ଆରମ୍ଭ ହୋଇଥାଏ। ଜିଲ୍ଲାସ୍ତରୀୟ ପ୍ରତିଯୋଗିତା ସାଧାରଣତଃ ଅକ୍ଟୋବେର-ନଭେମ୍ବର ମଧ୍ୟରେ ଅନୁଷ୍ଠିତ ହୋଇଥାଏ। ରାଜ୍ୟସ୍ତରୀୟ ପ୍ରତିଯୋଗିତା ସାଧାରଣତଃ ଡ଼ିସେମ୍ବର ଶେଷ ସପ୍ତାହରେ ଅନୁଷ୍ଠିତ ହୋଇଥାଏ।

ଅକ୍ଟୋବେର ମାସରେ ରାଜ୍ୟସ୍ତରୀୟ ପ୍ରତିଯୋଗିତାର ତାରିଖ ଏବଂ ସ୍ଥାନ ଘୋଷଣା କରାଯିବ।

ଭଗବଦ୍ ଗୀତାଙ୍କର ସମ୍ପୂର୍ଣ ଆବୃତ୍ତି।

ଯେଉଁମାନେ ସମ୍ପୂର୍ଣ ଭଗବଦ୍ ଗୀତାକୁ ମନେରଖି ଆବୃତ୍ତି କରିପାରିବେ ସେମାନଙ୍କ ପାଇଁ ନଭେମ୍ବର ମାସରେ ପୁରୀରେ ଏକ ସ୍ୱତନ୍ତ୍ର ପ୍ରତିଯୋଗିତା ଆୟୋଜିତ ହେବ। ଯେଉଁମାନେ ସଫଳତାର ସହିତ ସମ୍ପୂର୍ଣ ଭଗବଦ୍ ଗୀତା ଆବୃତ୍ତି କରିପାରିବେ, ସେମାନଙ୍କୁ ଏକ ସ୍ଵର୍ଣ ପଦକରେ ସମ୍ମାନିତ କରାଯିବ। ଏଥିରେ ଅଂଶଗ୍ରହଣ କରିବାକୁ ଇଛୁକ ପ୍ରତିଯୋଗୀ ଶ୍ରୀମତୀ ସୁଜାତା ମିଶ୍ର WhatsApp No. ୯୪୩୭୦୦୮୧୬୯୭ ରେ ଯୋଗାଯୋଗ କରିପାରିବେ।

ଧ୍ୟାନ ଦେବା ପାଇଁ କିଛି ଗୁରୁତ୍ୱପୂର୍ଣ ବିନ୍ଦୁ।

୧. ପ୍ରତିଯୋଗିତାରେ ଭାଗ ନେବା ପାଇଁ କୌଣସି ଶୁଳ୍କ ଆଦାୟ କରାଯାଏ ନାହିଁ।

୨. ଛାତ୍ରଛାତ୍ରୀମାନଙ୍କୁ ନିଜ ଖର୍ଚ୍ଚରେ ପ୍ରତିଯୋଗିତାରେ ଭାଗ ନେବାକୁ ପଡିବ।

୩. ରାଜ୍ୟସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ କରୁଥିବା ପ୍ରତିଯୋଗୀମାନଙ୍କ ପାଇଁ ସାଧାରଣ ଆବାସ ଏବଂ ଶାକାହାରୀ ଖାଦ୍ୟ ଯୋଗାଇ ଦିଆଯିବ।

୪. ଓଡ଼ିଶାର ବିଦ୍ୟାଳୟ, ମହାବିଦ୍ୟାଳୟ, ବିଶ୍ୱବିଦ୍ୟାଳୟ ଏବଂ ଅନ୍ୟାନ୍ୟ ଶିକ୍ଷାନୁଷ୍ଠାନରେ ଅଧ୍ୟୟନ କରୁଥିବା ଛାତ୍ରଛାତ୍ରୀମାନେ କେବଳ ଅଂଶଗ୍ରହଣ କରିପାରିବେ।

ଭଗବଦ୍ ଗୀତାର ତୃତୀୟ ଅଧ୍ୟାୟର ଅଡିଓ

ଅଡିଓ ଡାଉନଲୋଡ

ସମସ୍ତ ପୁରସ୍କାର ବିଜେତା ୨୦୧୭ ୨୦୧୮ ୨୦୧୯ ୨୦୨୨

ଫୋଟ ଗ୍ୟାଲେରୀ କ୍ଲିକ କରନ୍ତୁ।

ପଞ୍ଜିକରଣ କ୍ଲିକ କରନ୍ତୁ।